Mae'r prosiect hwn yng nghanol Tonypandy lle cafodd Beacon safle hen archfarchnad y cydweithfa ar Stryd Dunraven fel rhan o'n cynlluniau adfywio ar gyfer yr ardal. Bydd y prosiect yn creu gofod cymysg cyffrous sy'n gwella'r ardal ac yn darparu lleoliad canol tref bywiog i bobl leol fod yn falch ohono.
Gobeithiwn y bydd y datblygiad hwn yn ysgogi gweithgarwch economaidd yn y dref, yn helpu i greu mwy o swyddi, ac yn darparu cartrefi sydd eu hangen yn fawr. Ein nod yw ategu'r hyn sydd eisoes yn y dref, i weithio gyda'n partneriaid busnes lleol a'n cymunedau i greu lle y bydd cenedlaethau'r dyfodol yn falch ohono.
Mae'r datblygiad hwn yn cynnwys fflatiau preswyl oddi ar Stryd y Bont ynghyd â Siop Gyfleustra, Bistro a gofod swyddfa ar Stryd Dunraven, a fydd yn ategu ein hadeiladau masnachol presennol ar Stryd Dunraven sydd wedi'u rhentu i Peacocks.
Dim ond un o dri phrosiect adfywio sydd gennym yng nghanol tref Tonypandy yw hwn. Mae ein Hwb Cymunedol o'r enw'r Sied Fach hefyd wedi'i leoli ar Stryd Dunraven, lle helpodd tri deg o bobl ifanc o Maes Gwyn, Ysgol Nant Gwyn ac Ysgol Gymunedol Ferndale i weithio ar y lle gyda Chwmni Hyfforddi Arc. Mae'r Sied Fach yn darparu hwb ar gyfer ein prosiect parseli bwyd, oergelloedd cymunedol, yn cynnig sesiynau iechyd a lles ynghyd â sesiynau digidol, a lle diogel ar gyfer boreau coffi thema.
Welsh 
English