Serena Jones

Dechreuodd Serena ei gyrfa yn gweithio mewn hosteli a llochesi i'r digartref yn Llundain cyn ymuno â Capital Housing (St Martins bellach) ym 1996, gan ddechrau fel gweithiwr prosiect ac yn ddiweddarach sicrhau dyrchafiad i'w rôl reoli gyntaf. Yn 2001, ymunodd Serena â Look Ahead mewn swydd reoli yn eu Gateway Foyer, gan ddod yn Bennaeth Ansawdd a Pherfformiad yn ddiweddarach nes iddi adael yn 2008 i symud i Gymru. Ar ôl saith mlynedd gyda Grŵp Gwalia (Pobl bellach), yn gyntaf fel Cyfarwyddwr Tai â Chymorth ac yn ddiweddarach fel Cyfarwyddwr Strategaeth a Llywodraethu, ymunodd Serena â Beacon yn 2014 fel Cyfarwyddwr Gweithrediadau.

Mae Serena yn Gomisiynydd Busnes a Dinesig yng Nghomisiwn Gwirionedd Tlodi Abertawe, y cyntaf i gael ei redeg yng Nghymru ac yn gynrychiolydd sector ar Fwrdd Cynghori Cenedlaethol Terfynu Digartrefedd (Cymru). Roedd hi'n is-gadeirydd Grŵp Cyflawni Strategol Tai a Llesiant Cartrefi Cymunedol Cymru ac mae'n parhau i fod yn aelod gweithredol. Mae hi wedi bod yn rhan o'r grŵp arweinyddiaeth strategol ar gyfer Cydlynu Ardaloedd Lleol yn Abertawe ers 2016. Mae gan Serena ddiddordeb brwd mewn dulliau perthynol, sy'n seiliedig ar gryfderau ac mewn dylunio gwasanaethau i ddiwallu'r hyn sy'n bwysig i drigolion.

Yn 2015, daeth Serena yn rhiant maeth gyda'r awdurdod lleol yn Abertawe, ac mae'n eiriolwr brwd dros Blant sy'n Derbyn Gofal. Mae Serena wedi dal rolau gwirfoddol i elusen ieuenctid yn y DU ac fel llywodraethwr ysgol yn Abertawe. Mae hi'n aelod o'r Sefydliad Tai Siartredig.